林欣彤被男友前度暗指扮純情 「偽人」埋身出口術羨慕「相愛多年」

林欣彤（Mag）早前喺社交平台自爆初步確診新冠肺炎，意外爆出佢同新男友ONE PROMISE鼓手Anton同居，不過Anton有一位拍拖7年嘅前女友，Mag被指係第三者。引發第三者風波。Anton隨即認愛承認正與Mag拍拖，強調對方並非第三者。不過與Anton前度女友Christy就唔認同，連日都喺社交平台爆料，仲引起咗網民熱烈討論。

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

Christy即日凌晨上載Mag老友許廷鏗嘅歌曲《殘忍》，並留言：「擠迫的關係之中肯定一個要淘汰 從來從無犯錯，而離場仍是我！」加上一個裂開的心心emoji，歌曲意有所指，似暗示與Anton之間有第三者，慘被淘汰」。同日Christy再出post：「劈腿是慣性，說謊更是隨性！」仲Hashtag「#偽人」，雖然冇指名道姓，但矛頭直指Anton同Mag。

{{hket:inline-image name="AGALv0AMGEtUffmc0S12qy5_E04TEaR2OcoIYznKCGM.jpg"}}{{/hket:inline-image}}

日前，Christy再喺佢為愛犬Captain經營嘅IG以Captain「第一身」寫下長文，佢先係寸爆前男友分手後仲拎同Captain嘅合照扮近照：「媽媽會不定期upload我最新嘅相或片畀大家睇，絕對係最新最真實嘅我，唔係舊相嚟㗎！因為媽媽唔會用舊相扮新相，更加唔會拎人哋影嘅相扮自己影。」

之後再爆出Captain嘅IG密碼被惡意刪改：「噚晚想登入我嘅社交平台嘅時候，突然間發現被人惡意破壞同刪改密碼，搞到入唔到去，仲有post 被人delete咗！好彩最尾都救得返，一路以嚟，其實密碼都只係得兩個人知，作惡者呼之欲出。我都唔明白點解曾經愛我嘅人一離開就可以突然變咗另一個人咁，原來反轉狗肚就係屎。世途真險惡，但係我相信呢個世界仲有善良，做衰嘢嘅人自然有惡報。」

{{hket:inline-image name="w120.jpg"}}{{/hket:inline-image}}

不過最爆嘅都係佢暗指林欣彤扮純情，話有人羨慕佢同男友多年感情，羨慕到要撬牆腳：「曾經媽媽為咗一個人放低原本嘅生活，全心全意去幫人打理人哋嘅生活同工作大小事情，而家媽媽諗番都唔開心，因為覺得自己好蠢。不過而家媽媽自由啦，以後全心全意只係愛我Captain一個。曾經亦有某位好鍾意『怎麼可以吃兔兔』嘅偽人話過好羨慕人哋同媽媽可以相愛咁多年，可能就係因為太羨慕，羨慕到要出手『爭取』幸福。不過媽媽而家唔要啦，送咗畀你，因為媽媽唔識『怎麼可以吃兔兔』，自愛女人最好命！」

有網民就翻出Mag情史，直斥佢「花底」，偏向相信Christy。Mag當年同羅孝勇（Sheldon）於《超級巨聲2》撻着後展開半同居生活。Mag因聲帶撕裂，更抑鬱加厭食症，被迫停工休養，Sheldon花二千八百萬買下天賦海灣愛巢。Sheldon對Mag不離不棄，希望好好照顧Mag，後來反而係Mag提出分手，堅決結束3年情。有指當年分手原因係Mag劈腿陳家樂，可惜最後二人只係拍拖1個月。

網民輿論都唔多撐Mag，又指佢嘅花邊新聞仲突出過佢嘅音樂作品：「睇佢以前情史，大概知佢係咩人啦，呢啲人唔會改，根本好enjoy做第三者，享受係背後偷偷摸摸嘅快感，搶到手，時間耐左又出軌。」、「次次都係衰嘢，呢個人好極有限。」不過都有網民撐感情事只有當事人先知，其他人都只係道聽塗說。

圖片來源：Instagram